Benaam musafir hoon,

Benaam musafir hoon,

be naam safar mera,

Kis rah nikal jaon,

kuch keh nahi sakta..

Be naam meri manzil hy.

be naam thikana hy.

kis dar py main ruk jaon,

kuch keh nahi sakta.

Iss paar to roshan hy sara mera rasta,

Us paar andhera ho,

Kuch keh nahi sakta.

Tinkay ki tarah main bhi beh jaon samandar mein,

mil jaiy ga kinara,

kuch keh nahi sakta..

Mil jaiy gi tabeer mery khwaboon ki aik din,

Ya khawab Bikhar jaen,

Kuch keh nai sakta...

Aankhain khuab dekhti hain

Aankhain khuab dekhti hain
Kisi say mil janey ka
Ya khud ko kho denay ka
Tanha reh janay ka
Khud ko aar denay ka,
Chahat haar denay ka

Aankhain khuab dekhti hain

Bichray huye lamhon ka
Kisi raastay per mil janay ka
Zakhmon kay sil janey ka
Zamanay kay guzer janay ka
Khuwab kay hasil ki haqeeqat ka
Haqeqat ka khuwab main tehleel honay ka
Bikhray khuabon ki takmeel ka
Tum to khud ik khuwab ho
Husn ka, jawani ka
Ik dard bhari kahani ka...

Suno Tum laut aao na.

Suno Tum laut aao na.
Wo dekho chand nikla hai.
Hamari muntazir ankhein,
Duain maangti ankhein.
Tumhein sochti ankhein,
Tumhein dhondti ankhein,
Tumhein wapis bulati hain,
Ye Dil jab bhi Dharakta hai.
Tumhara naam layta hai.
Ye aansu jab bhi behtay hain.
Tumharay Dukh main behtay hain.
K barish jab bhi hoti hai.
Tumhein yaad kartay hain.
Khushi koi jo aaye bhi.
Tumharay bin adhuri hai.
Suno tum laut aao na.
wo dekho chand nikla ha...

apne hathon se kahin mera naam likh dena''

apne hathon se kahin mera naam likh dena''

Tum dua mat mangna sirf dua likh dena''

Is qadar zamane ne kar diya badnam mujh ko''

Zinda rahon to jeene ki saza likh dena''

Main rothy hoy dost ko manao kaise''

Rothne wale ye meri khata likh dena''

Juda ho k tujh se jee len ge''

In makhmali hathon se apni ek ada likh dena''

Tum kehty they tere bin jee na sake ge

"


Akele kaise jee rhe ho zara jeeny ki wjha likh dena......

Meri aankhon ko aur na rat’jagon ke azaab de,

Meri aankhon ko aur na rat’jagon ke azaab de,
Jo ho sake to ab inhain koi haseen khawab de,

Jo kaha nahin hai mene, usey samajne ki koshish to kar,
Jo pucha nahin kabhi, us sawaal ka jawaab to de,

Main apni nazar ko tere wajood ka tawaaf somp raha hon,
Tu apne hussan ko meri wafaa ka hijaab to de,

Main mareez-e-ishq hoon mujhe koi aesa nusskha-e-nayaab de,
Us ke honton ka jaam, us ki aankhon ki sharaab de,

Yu’n be’jaa farmayeshen na kar, halaat ki nazakat ko samajh
Jo khud mohtaj hai roshni ka, woh tujhe kahan se aftaab de..

Khuda Jab Hussn Deta Hai, Nazakat Aa Hi Jaati Hai,

Khuda Jab Hussn Deta Hai, Nazakat Aa Hi Jaati Hai,
Bachna Lakh Chahoon, Samne Qayamat Aa Hi Jaati Hai

Hai Mera Haal Kuch Aisa, Shehr Mein Inn Dino Aye Dost,
Mere Ghar Pohuchne Se Pehle Shikayat Aa Hi Jati Hai

Na Wo Pehli Si Baaten Hai, Na Woh Pehla Sa Aapnapun,
Suna Hai Hussn Ke Nikharne Pe, Yeh Aadat Aa Hi Jati Hai

Ek Sa Hai, Ghum-E-Pinha, Jo Uss Gul Mein, Mere Dil Mein,
Gul Ko Haste Dekh, Dil Mein Adaavat Aa Hi Jaati Hai

Kai Baar Socha Kar Doo Uss Zalim Ko Mein Ruswaa,
Iss Faisle Ke Beech Kambakht Sharafat Aa Hi Jaati Hai